Orxan Şahbaz

Orxan Şahbaz – Odlar Yurdu və ABŞ ın Lincoln Universitetinin ikili diplom proqramı ilə Biznes İdarəetməsi və Marketinq ixtisası üzrə təhsil alıb.

Hal Hazırda Zürix Universitetinin Neyromarketinq və Glasgow Universitetinin Sosial Psixologiya ixtisasının təkmilləşdirmə proqramı üzrə distant təhsilini davam etdirir. Müxtəlif özəl şirkətlərdə biznes inkişafı, marketinq, satış və daxili idarəetmə sahəsində mütəxəssis olaraq fəaliyyət göstərib.

2016 –cı ildən "ORKHANWAY Coaching" adlı sosial sahibkarlıq platformasını təsis edərək dövlət və özəl şirkətlərdə, eləcə də təhsil ocaqlarında fərdi inkişaf, yumşaq bacarıqlar, biznes inkişafı mövzular üzrə təlim və seminarlar həyata keçirir. Əmək və Əhalinin Sosial Müdafiəsi Nazirliyi və Beynəlxalq Əmək Təşkilatının birgə təşkil etdiyi "Özünə Məşğulluq (ABAD)" proqramında biznes təlimçisi olaraq fəaliyyət göstərərək seçilmiş iştirakçılara "Öz Biznesinə Başla" təlimlərini keçir.

Hazırda müəllifi olduğu "PİP – Personalın İnkişafı Proqramı" təlim proqramını müxtəlif dövlət təşkilatları, ictimai birliklər və özəl şirkətlərdə həyata keçirir. 4 il ərzində həyata keçirdiyi ümumi təlimlərin sayı 763, təlimlərində iştirak edən şəxslərin ümumi sayı isə 24215 nəfər təşkil edir.